දසදිසා පිරිත

 දසදිසා පිරිත සහ තේරුම



දිසාසු දසභාගේසු

ඨිතාබුද්ධානුභාවතෝ

වේරාදි අන්තරායාපි

විනස්‌සන්තු අසේසතො



දස දිසාවන්හි සිටියා වූ බුදුවරුන්ගේ ආනුභාවයෙන් වෛරයෝද අනතුරුද ඉතිරි නැතිව විනාශ වෙත්වා"



ඒව මාදිගුණෝපේතං

පරිත්තං තං භණාමහේ

මේ ආදී ගුණ වලින් යුතු පිsරිතක්‌ කියනු ලැබේ.

පදුමුත්තරො පුරස්‌ථි මායං

අග්ගිමහිවේච සෝභිතෝ

දක්‌ණෝ කස්‌සපෝ බුද්ධෝ

නිරිතේව සුමංගලෝ



උතුම් වූ පදුම බුදුරාජණන් වහන්සේ නැගෙනහිර දිසාවෙන්ද ගිනිකොණ දිශාවෙන්ද රේවත බුදුරජාණන් වහන්සේ කාශ්‍යප බුදුරජාණන් වහන්සේ දකුණු දිශාවෙන්ද මංගල බුදුරජාණන් වහන්සේ නිරිත දිශාවෙන්ද වැඩ සිටිත්.



පච්චිමේව සි‚ බුද්ධෝ

වායඛ්‍යා මේධංකරෝ

උත්තරේ පියදස්‌සීච

ඊසානේ දීපංකරෝ

බටහිර දිශාවෙහි සි‚ බුදුරජාණන් වහන්සේ ද වයඹ දිශාවෙන් මේධංකර බුදුරජාණන් වහන්සේ ද උතුරු දිශාවෙහි පියදස්‌සී බුදුරජාණන් වහන්සේ ද ඊසාන දිශාවෙහි දීපංකර බුදුරජාණන් වහන්සේද වැඩ සිටිත්.



පඨවියං කකුසන්ධොව

ආකාසේ සරණංකරො

ඒවං දස දිසාවේච

සබ්බේ බුද්ධා පතිට්‌ඨිතා

පොළොවෙහි කකුසඳ බුදුරජාණන් වහන්සේ ද අහසෙහි සරණංකර බුදුරජාණන් වහන්සේ ද වැඩ සිටිත්.



අච්චන්තරායා සබ්බේ මේ

සෝක රෝග භයාපිච

විනස්‌සන්තු සාදා මයිහං

සබ්බිරියාපථෙසුච



යක්‌ඛාදිදේවතා භීච

රාජ චොරාරි අග්ගිහි

අමනුස්‌සෙහි සබ්බේහි

තිරච්ඡානගතෙපිච

ජාතා උපද්දවා සබ්බේ

විනස්‌සන්තු අසේසතො



ඒ සියලු බුදුවරුන්ගේ ආනුභාවයෙන් සියලු අනතුරුද සියලු ශෝක රෝග භය ආදිය ද විනාශ වේවා ·

සියලු ඉරියව් පැවැත්මෙන් ඇතිවන උවදුරුද යක්‌ෂ දේව, රජ, සොර, සතුරු, ගිනි ආදියෙන් ඇතිවන උවදුරුද විනාශ වේවා· හැමදාම ඔබට ඒ උවදුරු වලින් තොරව ජීවත් වන්නට වාසනාව ලැබේවා·

සියලු අමනුෂ්‍යයන් ගෙන් හා තිරිසන් සත්ත්වයන්ගෙන් ඇතිවුණා වූ සියලු උපද්‍රවයෝ ඉතිරි නැතිව විනාශ වෙත්වා·



සිරස්‌මිං තෙ බුද්ධ සෙට්‌ඨො

සාරිපුත්තෝච දක්‌බිණො

චාමංසෙ මොග්ගල්ලානෝ

පුරතොපිටකත්තයං

පච්ජිමෙ මම ආනන්දෝ

චතුද්දිසා බීණාසවා

සමන්තා ලෝක පාලාව

ඉන්ද්‍ර දේචෝව බ්‍රහ්මච

සිරසෙහි හෙවත් මුදුනෙහි (හිසෙහි) ඒ උතුම් ශ්‍‍ෙෂ්ඨ බුදුරජාණන් වහන්සේය. දකුණත සැරියුත් මහ රහතන් වහන්සේය. වමතෙහි මුගලන් මහ රහතන් වහන්සේය. ඉදිරියෙහි ත්‍රිපිටකයය. පිටුපස ආනන්ද තෙරුවන් වහන්සේය. සතර දිශාවෙහිම රහතන් වහන්සේලාය. හැම අතින්ම ලෝක පාලක ඉන්ද්‍ර දෙවියා හා බ්‍රහ්මයාය.



ඒතේසං අනුභාවෙන

සම්බුපද්දචුපද්දවා

අනේකා අන්තරායාපි

චිනස්‌සන්තු අසේසතො


මේ සියලන්ගේම ආනුභාවයෙන් සියලු උපද්‍රවයෝ ඉතිරි නැතිව විනාශ වෙත්වා







දසදිසා පිරිතේ හාස්කම්


චූල ජිනපංජරය ලෙස භාවිත කරනු ලබන්නේ දසදිසා පිරිතයි. විවිධ පොත්පත්වල මේ පිරිත විවිධාකාරයෙන් සඳහන් වී තිබුණත් ඒවායෙහි දෝෂ නොමැති බව දැනුමින් පරිපූර්ණ ස්වාමින්වහන්සේ පෙන්වා දී තිබෙනවා. සියලු බුද්ධ යන්ත්‍රවලට වඩා දසදිසා පිරිතෙහි වටිනාකමක් තිබෙනවා. බුදුන්වහන්සේ අසනීප වූ අවස්ථාවක චුල්ල මහරහතන් වහන්සේ දේශනා කළ පිරිත දසදිසා පිරිත ලෙස හඳුන්වනවා. දසදිසා පිරිත බලගතු තත්ත්වයෙන් ඉහළයි. ධම්මෝෂධ සමන් නත්ති, නැතිනම් ධර්මය ඹෟෂධයක් කරගන්න යන බුදු වදනින් සියලු ලෙඩ රෝග, දුක් කරදරවලට බුදු ගුණ භාවිත කිරීමෙන් වඩා ප්‍රයෝජන ගත හැකියි

ගැබිනි මවුවරුන්ට

දේශීය වෛද්‍ය විශාරද ගේ්‍රබියෙල් දඩවින්න මහතා විසින් රචනා කළ දඹවින්න වලව්ව නම් කෘතියෙහි දසදිසා පිරිත “ජල නන්දන දැහැන් හත” යනුවෙන් සටහන් කර තිබෙනවා. එම කෘතියෙහි සඳහන් වෙලා තිබෙන විදියට, දසදිසා පිරිතෙන් තැඹිලි ගෙඩියක් මතුරා ගැබිනි මවකට දුන්විට මළ දරු උපතක් පවා ප්‍රසූත කෙරෙනවා. දසදිසා පිරිතෙන් තැඹිලි ගෙඩියක් මතුරා ගැබිනි මවුවරුන්ට දුන් විට ඇතැම් විට සීසර් සැත්කමකට සූදානමින් සිටි මවුවරුන්ට නම් පහසුවෙන් දරුවා ලැබීමට අවස්ථාව තිබෙනවා. විශේෂයෙන්ම මවුපියන්, නිර්මාංසව දසදිසා පිරිත ගායනා කරන්නේ නම් නිරෝගී, බුද්ධිමත් දරුවන් ලබාගන්නත් අවස්ථාව පවතිනවා.

දරුණු රෝග සුවයට

ඒ වගේම වෛද්‍ය ප්‍රතිකාරවලින් නිෂ්ඨාවට සුව කළ නොහැකි මීමැස්මොරය, හතිය වැනි රෝග තිබෙන පුද්ගලයන් දසදිසා පිරිත් යන්ත්‍රය භාවිත කළහොත් එම රෝග සුවකර ගැනීමටද අවස්ථාව ලැබෙනවා. එසේම විවිධ බඩේ අමාරුකම් සඳහා පිරිතෙන් තැඹිලි ගෙඩියක් නිසි ලෙස ජීවම් කර දිය හැකියි. එයින් එම බඩේ අමාරුකම් සුවපත් කරගැනීමට හැකියාව තිබෙනවා. විශේෂයෙන්ම ඇතැම් අවස්ථාවල වශී බෙහෙතක් යම් කෙනෙක්ට දී ඇත්නම්, ටික කලකින් එම තැනැත්තාගේ බඩ කැක්කුම් දෙන්න පුළුවන්. මේ අවස්ථාවල ජීවම් කළ තැඹිලි ගෙඩිය බී විනාඩි පහක් යන්න ප්‍රථම කිහිප සැරයක් බඩ බුරුල් වීම, ඇතැම් පුද්ගලයන්ට වමනය, බඩ බුරුල්වීම යන දෙකම ඇති වෙන්නත් පුළුවන්. එයින් එතෙක් තිබූ බඩේ අසනීපය සුව අතට හැරෙනවා.

භූත දෝෂවලට 

ඇතැම් විට කාන්තාවන්ට භූත දෝෂ නිසාම ගබ්සාවීම් ඒ වගේම මළ දරු උපත් සිදු වෙනවා. ජේ‍යාතිෂ ශාස්ත්‍රයට අනුව පෙර කර්මය ලෙස පැවැසුවත් පෙර භවයේ තමා වෛර කළ ඥාති හිතවතුන් එම ජන්මියාගෙන් පළිගන්න ජන්මියාගේ කුසේ ඉඳගෙන කලල විනාශ කරනවා. එසේ සිදුවන කාන්තාවන්ට දසදිසා පිරිත් යන්ත්‍රය පැලඳීමෙන් ගුණදායක තත්ත්වයක් අත්කරගත හැකියි.

නඩු හබ ජයග්‍රහණයට

ඒ වගේම යම්කිසි පුද්ගලයකුට නඩු නිමිත්තකින් තමාට අවාසි සහගත තීන්දුවක් ලැබෙන්න යන්නේ නම් දසදිසා පිරිත් යන්ත්‍රය ඉතා වැදගත්. නමුත් එය වැදගත් වන්නේ නඩු නිමිත්ත සාධාරණ කරුණක් නම් පමණයි. ඇතැම් අවස්ථාවල ජන්ම පත්‍රය අනුව සිදුවන හදිසි අනතුරුදායක තත්ත්වයන් දසදිසා යන්ත්‍රය පැලඳීමෙන් අවම කර ගැනීමටත්, ජීවිත ආරක්‍ෂාව ඇතිකර ගැනීමටත් හැකියාව ලැබෙනවා. ඒ වගේම භූත බලපෑමෙන් සිදුවන ඇඟපත සීරීම් ආදිය කිසියම් තැනැත්තකුට සිදුවේ නම් දසදිසා යන්ත්‍රය දැමීමෙන් එයින් වැළකී සුවය ලැබෙන්න පුළුවන්.

බාලගිරි දෝෂයට

දරුවන්ගේ බාලගිරි දෝෂය ඇතුළු රෝගවලින් සුවය ලැබීමට දසදිසා පිරිත් යන්ත්‍රය හෝ ජීවම් කරන ලද රන් තැඹිලි තෙල් ඉතාම සුදුසුයි. පාසල් යන දරුවන්ට දසදිසා පිරිත කට පාඩම් කර ගැනීම වඩා ප්‍රයෝජනවත්. අවම වශයෙන් ජීවම් කරන ලද රන් තැඹිලි තෙල් බින්දුවක් හෝ ආලේප කළ හැකියි.

මල්වර දියණියට

ඒ වගේම වැඩිවියට පත් දියණියන්ට වගේම බොහෝ යුවතියන්ට මාසික ක්‍රියාවලිය ආරම්භ වීමට දින කිහිපයක් තිබියදීත් ඉන්පසු දින කිහිපයක් යනතෙක් බඩ සහ දෙපා රිදීම පවතිනවා. එම අවස්ථාවල දසදිසා පිරිතෙන් තැඹිලි මතුරා ලබා දීමෙන් මෙම තත්ත්වයන්ගෙන් සුවය ලැබිය හැකියි.

සර්පයන්ගෙන් ආරක්‍ෂාවට

යම් කිසිවෙක් රැකියාවක් බලාපොරොත්තුවෙන් සම්මුඛ පරීක්‍ෂණවලට යන්නේ නම් දසදිසා යන්ත්‍රය පැලඳීමෙන් සුබ ප්‍රතිඵලයක් ලබා ගන්න බොහෝ විට හැකියාව තිබෙනවා. මෙම පිරිත යම් කිසි පුද්ගලයකුට සිද්ධි වූ විට එනම් තම ශරීරයට ජීර්ණය වූ විට එම පුද්ගලයාව කිසිදු දිනයක සර්පයෝ සපා කෑමක් හෝ දෂ්ට කිරීමක් සිදුවන්නේ නැහැ. එම නිසා බොහෝ පුද්ගලයන්ගේ ආරක්‍ෂාවට මෙම යන්ත්‍රය වැදගත්.

නිවෙසේ ආරක්‍ෂාවට

එසේම විකුණාගත නොහැකි ඉඩම්, භූත දෝෂ සහිත නිවාසවලට වගේම නිවාස අඩිතාලම් දැමීමේදීද දසදිසා පිරිතෙන් ජීවම් කරන ලද තෙල් හෝ යන්ත්‍ර 8ක් අට කොන දැමීම නිවෙසේ ආරක්‍ෂාවට ඉතා වැදගත්.

දසදිසා පිරිතෙන් මෙම ආනිශංස ලබා ගැනීමට පේවීමක් අවශ්‍යයි. පිරිත කට පාඩම් කරගත් නිසාම එයින් ගුණදායක තත්ත්වයක් ලබාගන්න බැහැ. ඒ අනුව පළමුව තමන් සතු ඊර්ෂ්‍යාව, කේ‍රා්ධය, පළිගැනීම, වෛරය නැති කරගත යුතුයි. ඉන් අනතුරුව ඒ පිරිත පිළිබඳ හදවත තුළ විශ්වාසයක් ඇතිකර ගැනීම අවශ්‍යයි. එම විශ්වාසය නිසාම ඒ පිළිබඳ භක්තියක් ඇති වෙනවා. එම භක්තිය, ආශීර්වාදයක් වන බව කරු හීන්කෙන්ද මහතාද ඔහුගේ කෘතිවල පැහැදිලිව සටහන් කර තිබෙනවා.

ඉන් අනතුරුව එම විශ්වාසය සමඟ මෙම දසදිසා පිරිත නිවැරැදිව උච්චාරණය කරමින් අවම වශයෙන් දස දහස් වාරයක් කියන්න අවශ්‍යයි. නියමිත ගුරුවරයකුගෙන් මෙම පිරිත තමාට ලැබෙනවා නම් ගුරු ආශීර්වාදය නිසාම පිරිතේ ශක්තියෙන් වැඩ ගන්න පුළුවන්.

උපුටා ගැනිමකි 

Dowenload mp3