මහා කාරුණික වූ ලොව්තුරා ශාන්තිනායක සම්මා සම්බුදුරජාණන් වහන්ස.!!. දෑත නළලේ බැඳ මා නමස්කාර කරමි.මාගේ නමස්කාරය වේවා.!!. ඒ උතුම් බුද්ධානුභාවයෙන්ද, ධම්මානුභාවයෙන්ද, සංඝානුභාවයෙන්ද සියලු ලෝ සතුන්ට සැප සැලසේවා! ''සබ්බ දානං ධම්ම දානං ජිනාති'' සියලු දානයන් අතර ධර්ම දානය උතුම් වේ සියල්ලෝම අවබෝධයෙන් යුතුව කියවා බලා සිත් පහන් කර ගනිත්වා !
අපේ පියවි ඇසට පේන දේ බොහොම ටිකයි. නොපෙනෙන දේ ගොඩක් තියෙනව. හැමකෙනෙක්ම වගේ ගනු දෙනු කරන්නෙ පෙනෙන දේ එක්ක විතරයි. තමන් ගැනම හිතල බලන්න. ඔබ වැඩි අවධානයක් යොමු කරන්නෙ ඔබේ ඇසට පෙනෙන ශරීර කොටස් ගැනද, නැත්නම් ඇසට නොපෙනෙන සිත ගැනද කියල. ඇසට පෙනෙන ශරීරය ගැන නේද? මතු පිටින් නොපෙනුනත්, ඇඟ ඇතුලෙ තිබුණත්, ස්කෑන් කරල හරි බලන්න පුළුවන් ශරීර කොටස් ගැන අපි විශේෂ අවධානයක් යොමු කරනව. ඒත් ඒ ශරීරය මේ භවයෙ පරිහරණයට පමණක් ලැබුණ එකක්. සිත ගැන අවධානය කරන කෙනා ඊට වඩා ඉහළින් ඉන්න බුද්ධිමතෙක්. මොකද එයා අවධානයට යොමු කරන්නෙ මේ භවයට පමණක් නෙවෙයි අනාගත බව වලටත් අපට වැදගත් වන කරුණක් පිළිබඳව නිසා.
ජීවිතය ජය ගැනීමට උත්සාහය අත්යවශ්ය දෙයක්. පංච කාම ගුණික වශයෙන් ලැබිය හැකි ලෞකික සැප සම්පත් ලැබීමට වගේම පරලොව දුගතියෙන් අත මිදී සුගතිය උරුම කර ගැනීමටත් සසර දුක නැති කිරීමෙන් නිවන සාක්ෂාත් කර ගැනීමටත් අවශ්යම දේ උත්සාහයයි.
ශ්රී ලාංකික කාන්තාවන්ගේ විමුක්තිදායිකාව ලෙසින් විරාජමාන වනුයේ සංඝමිත්තා මහරහත් තෙරණින් වහන්සේයි. මගධාධිරාජ වූත් නවරට සසුන් පිහිටුවමින් බුදුදහම ප්රචාරය කරමින් ශාසනික සේවයට උරදුන් ධර්මාශෝක මහඅධිරජුගේත්, දේවි නම් බිසවගේ එකම දියිණියවූත්, මිහිඳු මහරහතන් වහන්සේගේ නැගෙනිය වූ සංඝමිත්තා කුමරිය පැවිදි භූමියට පැමිණීමට පෙරාතුව අග්ගිබ්රහ්ම නම් තරුණයකු සමඟ විවාහ වී සිටියාය. පුත් රුවන වූයේ සුමන කුමරුය.
සියල්ල කැඩී බිඳී ගිය විට ශූන්යතාවය හෙවත් හිස් ගොඩක් බවට පත්වෙයි. සියලු කොටස් සම්බන්ධ වී තිබෙන තාක්කල් තිබෙනවා යනුවෙන් පෙනුණාට සම්බන්ධතාවය ඛණ්ඩනය වූ විට එවැනි කිසිවක් නැහැ.රූපය තුළ තිබෙන්නාවු හේතුඵල සම්බන්ධතාව වටහා ගතහොත් පමණමයි, අප රූපවලට උපාදානය වීම ඛණ්ඩනය වෙලා යන්නේ, රූපය සැකසුන ආකාරය හා එය පැවතිය යුතු ආකාරය අප අපගේ නුවණට ගොදුරු කරගත හොත් රූප තිබු පමණින් රූප දැඩිව ග්රහණය කරගෙන කටයුතු කිරීමට තිබෙන රාග අපේක්ෂිත මානසික උනන්දුව ක්රමයෙන් අප තුළින් ක්ෂය වී යයි.'
දානය, ශීලය, නෙක්ඛම්මය, පඤ්ඤා, විරිය, ඛන්ති,සච්ච, අධිට්ඨාන , මෙත්තා, උපෙක්ඛා යන දස පාරමිතාවන් සපිරීමෙන් අප මහා බෝධිසත්ත්වයන් වහන්සේ උතුම් බුදුබව පසක් කරගත් සේක.
සෞඛ්ය විද්යාත්මක වද්ය විද්යාත්මකව ස්වස්ථතාවයට අනුව ලකුණු ලබාගැනීමේ ක්රමවේදයක් තිබෙනවා. තමන්ගේ ශරීරය පිරිසුදුව තබාගැනීම පිළිබඳව , දැනුමක් ලබාගැනීම සඳහා ලකුණු ලබාගැනීමේ ක්රමවේදයක් තිබෙනවා. ආහාර ජීරණ පද්ධතිය අඳිනවිට ලකුණක් දීමට අප ළඟ ක්රමවේදයක් තිබෙනවා වුණාට ජරාව නොකාසිටීම පිළිබඳව ලකුණු ලබාදීමේ ක්රමවේදයක් අප ළඟ නැහැ. ශරීර සෞඛ්යයට අහිතකර දේවල් කෙතරමි දුරට පාවිචිචි කරනවාද? යන්න එය සඳහා ලකුණු අඩුකිරීමට ක්රමවේදයක් අප ළඟ නැහැ. මල් ප්රමාණයක් කඩා එයින් මල් ප්රමාණයක් අඩුකොට ගණනය කිරීමේ ගණිත ක්රමයක් තිබෙන අතර මල් ප්රමාණයක් කඩා මල් වටිටියක් සාදන විට ඒ සඳහා ලකුණු ලබාදෙන ක්රමයක් අප ළඟ නැහැ. එසේ බලාගෙන යනවිට හැඟීමි කිසිඳු ඇගයීමකට ලක් නොකරන දැනීමි අගය කරන තැනක අප අධ්යාපනය ලබයි. දියුණු රටවල පළමුවෙනියා, දෙවෙනියා, තෙවෙනියා තෝරන්නේම නැහැ. දරුවන් හතළිහක් සිටින පංතියක පළමුවැනියා දෙවෙනියා තෙවෙනියා තෝරා දරුවන් තිස්හත් දෙනෙක් අසමත් කරවන වැඩ පිළිවෙලක් හෝ එවැනි අධ්යාපන ක්රමයක් එම රටවල නැහැ. එය අතිශය දියුණුවෙමින් පවතින්නාවු රටවල තිබෙන්නාවු ෙ නාගැලපෙන ක්රමවේදයක්. 
භාවනා වැඩීමට පෙර තමාට ගැළපෙන කමටහන තෝරා ගැනීම භාවනාවෙන් ප්රතිඵල ලැබීමට හේතුවෙයි. ඇතැම් අය විශේෂ ප්රතිඵලයක් නැතත් භාවනාව උසස් කුසලයක් නිසා පුහුණුවේ යෙදෙති. ඔවුහු හැමදාම එකම තැනය. ඉදිරියට යෑමක් නැත. තමාට ගැළපෙන කමටහන පුහුණුවට යොදාගත හොත් භාවනාවේ යෙදීම කැමැත්තෙන් ඕනෑකමින් කරගෙන යා හැක. භාවනා වැඩීමට ගුරු උපදෙස් අවශ්ය බව පිළිගත් කරුණකි. එහෙත් ගුරුතුමා ඔබට කියාදෙන්නේ එතුමාට ගැළපෙන ක්රමයයි. ඒ භාවනා ක්රමයෙන් එතුමන් සාර්ථක ප්රතිඵල ලැබුවත් ඔබටත් ඒ භාවනාව එලෙසින්ම සාර්ථක වේ යැයි කිවහැකිද? මේ කතාව තහවුරු කිරීමට උපකාරිවන කතාපුවතක් මෑතදී සිදුවු සිදුවීම් තුළින් ඉදිරිපත් කළ හැකිවේ.
නමෝ තස්ස භගවතෝ අරහතෝ සම්මා සම්බුද්ධස්ස
තථාගතයන් වහන්සේ වදාළා මේ සමාජයේ මේ වගේ පිරිසකුත් ඉන්නවා. ඒ අය ක්රෝධ කරන්නේ නැති උපායාස බහුලව ජීවත් වන්නේ කිසියම් හෝ දෙයකට ඇලීමක් ගැටීමක් නැතිව ඉවසීමෙන් කටයුතු කරන මේ කාන්තාවන් ඉතාම පරිත්යාගශීලීයි. ශ්රමණ බ්රාහ්මණයන්ට සුදුස්සන්නට නිතරම දන්පැන් පූජා කිරීමත් යම් යම් පරිත්යාග කිරීමත් සිදු කරනවා. ඒ වගේම අනෙක් අය පින්දහම් කරනකොට ඒ දෙස බලා සතුටුවෙනවා. මුදිතා ගුණයෙන් යුක්ත වෙනවා. එහෙම පිරිස මියගොස් නැවත මනුස්ස ලෝකයේ ඉපදෙනවානම් දර්ශනීය පැහැපත් සුරූපයෙන් යුතුව ධන ධාන්යයෙන් යුක්තව බොහෝ සැප බහුලව ජීවත් වෙනවා.
නමෝ තස්ස භගවතෝ අරහතෝ සම්මා සම්බුද්ධස්ස
නැවත උප්පත්තිය ලබාදෙමින් සත්ත්වයා සසර බඳිනා තෘෂ්ණාව දුරුකොට නිවනින් සැනසුණු ලෝකනාථයාණන් වහන්සේගේ උත්තරීතර වූ ගමන් මඟට පිළිපන් නික්ලේෂී සිතකට උරුමකම් කියූ පිය උරුමය ලැබ සැනසුනු අභයමාතා මහරහත් තෙරණින් වහන්සේගෙ විරාගි සිත, විරාගි සුවය පිළිබඳව සිත පහදා ගනිමු.
පුත්තා වත්ථු මනුස්සානං දෙමවිපියන්ට තිබෙන ලොකුම වස්තුව දරුවන් බව බුදුපියාණන් වහන්සේ සඳහන් කර ඇති කරුණ ලෝකවාසී සත්වයාටම ප්රයෝජනවත් කාරණාවක් වෙයි. රටක් වශයෙන් අප දරුවන් පිළිබඳව සිතන ආකාරයත්, දරුවන්ගේ දියුණුව සැළකිය යුත්තේ කෙසේද? කියන කාරණෘවත් පිළිබඳව දැක්මක් හැටියට අප ජීවත් වන සමාජය බරපතළ වැරැදි කරන ස්ථානයක සිටියි.
